മാസങ്ങളായി കാടുമൂടി കാല്‍നട പോലും ദുഷ്‌കരമായ വെള്ളമുണ്ട മംഗലശ്ശേരിമല റോഡ് നാട്ടുകാര്‍ ഒറ്റക്കെട്ടായി വൃത്തിയാക്കി.വെള്ളമുണ്ട ടൗണില്‍ നിന്നും മംഗലശ്ശേരി മലയിലേക്ക് പോകുന്ന റോഡ് മാസങ്ങളായി കാടുമൂടിയ അവസ്ഥയിലായിരുന്നു
നിരവധി വാഹനങ്ങള്‍ സഞ്ചരിക്കുന്ന ഈ റോഡില്‍ വാഹനങ്ങള്‍ വന്നാല്‍ കാല്‍നട യാത്രക്കാര്‍ക്ക് അരിക് ചേര്‍ന്ന് നില്‍ക്കാന്‍ പറ്റാത്ത അവസ്ഥയിലായതിനെ തുടര്‍ന്ന് നാട്ടുകാര്‍ ഒറ്റക്കെട്ടായി രംഗത്തിറങ്ങി വൃത്തിയാക്കുകയായിരുന്നു. റോഡിലേക്ക് വളര്‍ന്നു നിന്ന കാടുകള്‍ വെട്ടിമാറ്റുകയും, ഓവുചാലുകള്‍ വൃത്തിയാക്കുകയും ചെയ്തു. സേവന പ്രവര്‍ത്തനത്തിന് പിജെ ജോസഫ്, എംഡി തങ്കന്‍, വിജി ജോഷി തുടങ്ങിയവര്‍ നേതൃത്വം നല്‍കി.
