പുല്‍പ്പള്ളി സുരഭിക്കവല പാലറക്കല്‍ ജോഷിയുടെ വീട്ടിലാണ് മോഷണം നടന്നത്. വീടിന്റെ പൂട്ട് കുത്തിത്തുറന്നാണ് മോഷ്ടാക്കള്‍ അകത്ത് കയറിയത്. അലമാരയിലുണ്ടായിരുന്ന നാല് പവന്‍ സ്വര്‍ണാഭരണങ്ങളും, ലാപ്ടോപ്പ് ഉള്‍പ്പെടെ മോഷണം പോയിട്ടുണ്ട്.
എന്തൊക്കെയാണ് നഷ്ടപ്പെട്ടതെന്നറിയാന്‍ പരിശോധന നടക്കുകയാണ്.ജോഷിയുടെ പിതാവ് ആശുപത്രിയിലായിരുന്നു. വീട്ടില്‍ ആരും ഇല്ലാത്ത സമയത്താണ് മോഷണം നടന്നത്. തുടര്‍ന്ന് ഭാര്യ രാവിലെ വീട്ടിലെത്തിയപ്പോഴാണ് മോഷണം നടന്ന വിവരം അറിയുന്നത്. ആറ് മാസം മുമ്പ് ഇതേ വീട്ടില്‍ മോഷണശ്രമം നടന്നിരുന്നു. ഈ കേസില്‍ ഒരാളെ പിടികൂടിയിരുന്നു. പുല്‍പ്പള്ളി എസ് ഐ ബെന്നി, തങ്കച്ചന്‍ എന്നിവര്‍ സ്ഥലത്തെത്തി അന്വേഷണം ആരംഭിച്ചു. വിരലടളാവിദ്ഗദരടക്കം സ്ഥലത്തെത്തി പരിശോധന നടത്തി. വീട്ടില്‍ സി സി ടി വിയുണ്ടായിരുന്നെങ്കിലും തകരാറായി കിടക്കുകയായിരുന്നു.
