എടവക പഞ്ചായത്തിലെ പശുവിതരണം സി.പി.എം.ആരോപണം രാഷ്ടീയ പ്രേരിതവും പഞ്ചായത്ത് തിരഞ്ഞെടുപ്പ് മുന്നില്‍ കണ്ടുള്ളതെന്നും ഭരണ സമിതി. സി.പി.എം. മെമ്പര്‍മാര്‍ വിയോജന കുറിപ്പെഴുതി എന്നത് പച്ച കള്ളമാണെന്നും ഭരണ സമിതി വാര്‍ത്താ സമ്മേളനത്തില്‍ അറിയിച്ചു.വരാനിരിക്കുന്ന പഞ്ചായത്ത് തിരഞ്ഞെടുപ്പ് മുന്നില്‍ കണ്ടുള്ള രാഷ്ട്രീയ നാടകമാണ് സി.പി.എം. ഇപ്പോള്‍ നടന്നുന്നത്.സംസ്ഥാന സര്‍ക്കാരിന്റെ സുഭിക്ഷകേരളം പദ്ധതി നിര്‍ദേശിച്ച മാനദണ്ഡങ്ങള്‍ പാലിച്ച് ഗ്രാമസഭ പാസാക്കിയ ലിസ്റ്റില്‍ നിന്നുമാണ് ഗുണഭോക്താക്കളെ തിരഞ്ഞെടുത്തത്.അമ്പതിനായിരം രൂപ എന്നാണ് സി.പി.എം. പറയുന്നത് ഫലത്തില്‍ ഇരുപത്തി അയ്യായിരം രൂപ സബ്‌സിഡിയാണ് ക്ഷീര കര്‍ഷകര്‍ക്ക് അനുവദിച്ചത്.സി.പി.എം. അംഗങ്ങള്‍ അടക്കം ഇരുന്ന ഭരണ സമിതിയാണ് ഗുണഭോക്ത ലിസ്റ്റ് അംഗീകരിച്ചത്.വാര്‍ത്താ സമ്മേളനത്തില്‍ പ്രസിഡന്റ് ഉഷാ വിജയന്‍ ,വൈസ് പ്രസിഡന്റ് നജ്മുദീന്‍ മുമ്പത്ത്, സ്ഥിരം സമിതി അധ്യക്ഷന്‍മാരായ ജില്‍സണ്‍ തൂപ്പുംങ്കര, ആശാ മെജോ തുടങ്ങിയവര്‍ പങ്കെടുത്തു.
