വന്ദേ ഭാരത് മിഷന്റെ ആറാം ഘട്ടത്തില്‍ യുഎഇയില്‍ നിന്നുള്ള വിമാന ടിക്കറ്റ് ബുക്കിങ് ഇന്ന് ആരംഭിക്കും. രാവിലെ യുഎഇ സമയം 10.00 മണിക്ക് (ഇന്ത്യന്‍ സമയം 11.30) ബുക്കിങ് ആരംഭിക്കുമെന്നാണ് എയര്‍ ഇന്ത്യ എക്സ്പ്രസ് സോഷ്യല്‍ മീഡിയകളിലൂടെ അറിയിച്ചത്.അതേസമയം വന്ദേഭാരത് മിഷന്‍ അഞ്ചാം ഘട്ടത്തിന്റെ ഭാഗമായി ഇപ്പോള്‍ നടത്തുന്ന എല്ലാ സര്‍വീസുകളിലും തിരക്ക് വളരെ കുറവാണ്. അത്യാവശ്യമായി യാത്ര ചെയ്യേണ്ടവര്‍ ഇതിനോടകം മടങ്ങിയതും സന്ദര്‍ശക വിസക്കാര്‍ക്ക് രാജ്യം വിടാന്‍ കൂടുതല്‍ സമയം അനുവദിച്ചതുമാണ് തിരക്ക് കുറയാന്‍ കാരണമായത്.
