മദ്യലഹരിയില്‍ ബംഗളുരുവില്‍ നിന്നും വാഹനമോടിച്ച് മുത്തങ്ങ ചെക്ക് പോസ്റ്റ് വഴി മാനന്തവാടിയിലേക്ക് അശ്രദ്ധമായും അമിത വേഗതയിലും സഞ്ചരിക്കുകയായിരുന്ന ബി.എസ്.എഫ് ജവാനെ നാട്ടുകാര്‍ പിടികൂടി പോലീസിന് കൈമാറി. തൃശിലേരി സ്വദേശിയായ ജവാനെയാണ് നാട്ടുകാര്‍ പോലിസിന് കൈമാറിയത്
കോവിഡ് മാനദണ്ഡങ്ങള്‍ പാലിക്കാതെ സ്‌കോര്‍പിയോ വാഹനത്തില്‍ വന്ന ഇയ്യാള്‍ മുത്തങ്ങയില്‍ പോലീസ് കൈകാണിച്ചിട്ടും നിര്‍ത്താതെ വരികയായിരുന്നു. ഒടുവില്‍ കൂളിവയലില്‍ വെച്ച് നാട്ടുകാര്‍ ഇയാളെ തടഞ്ഞുവെച്ച് പനമരം പോലീസിന് കൈമാറുകയായിരുന്നു. തുടര്‍ന്ന് ബത്തേരി പോലീസ് ഇയ്യാള്‍ക്കെതിരെ മദ്യപിച്ച് വാഹനമോടിച്ചതിനും, കോവിഡ് മാനദണ്ഡങ്ങള്‍ തെറ്റിച്ചതിനും കേസെടുത്ത് അറസ്റ്റ് ചെയ്ത് ജാമ്യത്തില്‍ വിട്ടയച്ചു
