മതിയായ രേഖകളില്ലാതെ കൊണ്ടുവന്ന 28 ലക്ഷം രൂപയുമായി രണ്ട് പേരെ മുത്തങ്ങ തകരപ്പാടിയില്‍ പിടികൂടി.ഇന്ന് രാത്രി 8 മണിയോടെ എക്‌സൈസ് ചെക്ക് പോസ്റ്റ് അധികൃതരും എക്‌സൈസ് ഇന്റലിജന്റ്‌സും സംയുക്തമായി നടത്തിയ പരിശോധനയിലാണ് പണം പിടികൂടിയത്. സംഭവത്തില്‍ മലപ്പുറം തിരൂരങ്ങാടി സ്വദേശികളായ കെ.സി നൗഫല്‍(34),കെ.യൂനസ്(37) എന്നിവര്‍ പിടിയിലായി.പച്ചക്കറി വാഹനത്തില്‍ ക്യാബിനില്‍ സൂക്ഷിച്ച നിലയിലായിരുന്നു പണം.പിടികൂടിയ പണവും പിടിയിലായവരെയും പിന്നീട് ബത്തേരി പൊലിസിന് കൈമാറും.
