കൊവിഡ് സമ്പര്‍ക്ക വ്യാപനം രൂക്ഷമായ സാഹചര്യത്തില്‍ മൂപ്പൈനാട് പഞ്ചായത്തിലും അശങ്ക. വടുവഞ്ചാല്‍ടൗണില്‍ കര്‍ശന നിയന്ത്രണങ്ങള്‍ ഏര്‍പ്പെടുത്തി. ഇന്ന് രാവിലെ മുതല്‍ കടകള്‍ പൂര്‍ണ്ണമായും അടച്ചിട്ടു. പഞ്ചായത്തില്‍ ഇതുവരെ കൊവിഡ് സ്ഥിരീകരിച്ചത് 7 പേര്‍ക്ക്. 98 പേര്‍ക്ക് ഇതുവരെ ആന്റിജന്‍ പരിശോധന നടത്തി.
അക്ഷയ കേന്ദ്രത്തിലെയും മെഡിക്കല്‍ ഷോപ്പിലെയും ബാങ്കിലെയും ജീവനക്കാര്‍ക്കാണ് ഇന്ന് രോഗം ്സ്ഥിരീകരിച്ചത്.ഇതോടെ മേപ്പാടി പഞ്ചായത്തിന് പുറമെ മൂപ്പൈനാട് പഞ്ചായത്തും ആശങ്കയിലാണ്.മുണ്ടക്കൈ പുഞ്ചിരിമട്ടം ഉരുള്‍ പൊട്ടലില്‍ രക്ഷാപ്രവര്‍ത്തനത്തില്‍ ഏര്‍പ്പെട്ട വ്യക്തിക്ക് കോവിഡ് പോസിറ്റീവായതോടെ മൂപ്പൈനാട് പഞ്ചായത്തിലും ആശങ്ക സൃഷ്ടിച്ചിരുന്നു. തുടര്‍ന്ന് കഴിഞ്ഞ ദിവങ്ങളില്‍ റിപ്പണ്‍ വാളത്തൂരിലെ ഹെല്‍ത്ത് സെന്ററിലും ,വടുവഞ്ചാല്‍ പിഎച്ച്സിയിലുമായി നടത്തിയ അന്റിജന്‍ പരിശോധനയുടെ റിപ്പോര്‍ട്ടുകള്‍ വന്നതോടെ അക്ഷയ കേന്ദ്രത്തിലെ ഒരു ജീവനക്കാരനും മെഡിക്കല്‍ ഷോപ്പിലെ ഒരു ജീവനക്കാരനും ഗ്രാമീണ ബാങ്കിലെ രണ്ട് ജീവനക്കാര്‍ക്കുമാണ് കൊവിഡ് പോസിറ്റീവായത്. ഇതോടെ ഇന്ന് രാവിലെ മുതല്‍ തന്നെ വടുവന്‍ഞ്ചാല്‍ ടൗണില്‍ കര്‍ശന നിയന്ത്രണം ഏര്‍പ്പെടുത്തി. തൊഴിലുറപ്പ് പദ്ധതി ഇതിനോടകം നിര്‍ത്തിവെക്കാന്‍ അതികൃതര്‍ വാര്‍ഡ് തലത്തില്‍ നിര്‍ദേശം നല്‍കി
