കേരളം പോലുള്ള ഉപഭോക്തൃസംസ്ഥാനങ്ങള്‍ ഭക്ഷണ കാര്യത്തില്‍ സ്വയംപര്യാപ്തത നേടേണ്ടത് അത്യാവശ്യമെന്ന് യൂത്ത് ലീഗ് സംസ്ഥാനജനറല്‍ സെക്രട്ടറി പി. കെ ഫിറോസ്.ബത്തേരി നിയോജകമണ്ഡലം മുസ്ലിം യൂത്ത്ലീഗ് കമ്മറ്റി നേതൃത്വത്തില്‍ തരിശ് ഭൂമി കൃഷിയിടമാക്കുന്ന മണ്ണ് പദ്ധതിയുടെ ഭാഗമായി ഓടപ്പള്ളം കരിവള്ളിക്കുന്നില്‍ അഞ്ച് ഏക്കര്‍ വയലില്‍ കൃഷിക്ക് തുടക്കം കുറിച്ച് നെല്‍വിത്ത് വിതച്ച് സംസാരിക്കുകയായിരുന്നു അദ്ദേഹം. ചടങ്ങില്‍ യൂത്ത്ലീഗ് നിയോജക മണ്ഡലം പ്രസിഡന്റ് സമദ് കണ്ണിയന്‍ അധ്യക്ഷനായിരുന്നു. ബത്തേരി കൃഷി ഭവന്‍ ഓഫീസര്‍ സുമിന, യൂത്ത്ലീഗ് സംസ്ഥാന വൈസ് പ്രസിഡന്റ് പി ഇസ്മയില്‍, ജില്ലാ മുസ്ലിംലീഗ് സെക്രട്ടറി കെ നൂറുദ്ധീന്‍, നിയോജക മണ്ഡലം മുസ്ലിംലീഗ് പ്രസിഡന്റ് പി പി അയ്യൂബ്, ജനറല്‍ സെക്രട്ടറി എം എ അസൈനാര്‍, ട്രഷറര്‍ അബ്ദുള്ള മാടക്കര, ജില്ലാ യൂത്ത്ലീഗ് പ്രസിഡന്റ് കെ ഹാരിസ്, ജനറല്‍ സെക്രട്ടറി സി കെ ഹാരിഫ് തുടങ്ങിയവര്‍ സംസാരിച്ചു.
