കൽപ്പറ്റ: നിരന്തരം പെട്രോളിയം ഉത്പന്നങ്ങളുടെ വില വർദ്ധിപ്പിക്കുന്ന കേന്ദ്ര സർക്കാരിന്റെ നയത്തിൽ പ്രതിഷേധിച്ച് ലോക് താന്ത്രിക് ജനതാദൾ ( എൽ ജെ ഡി ) സംസ്ഥാന വ്യാപകമായി നടത്തുന്ന കേന്ദ്ര സർക്കാർ ഓഫീസുകൾക്ക് മുമ്പിലെ ധർണയുടെ ഭാഗമായി എൽജെഡി മണ്ഡലം കമ്മിറ്റിയുടെ നേതൃത്വത്തിൽ കൽപ്പറ്റ ടെലിഫോൺ എക്സ്ചേചേഞ്ചിന് മുമ്പിൽ ധർണ നടത്തി. സംസ്ഥാന കൗൺസിൽ അംഗം യു.എ.ഖാദർ ഉദ്ഘാടനം ചെയ്തു. മണ്ഡലം പ്രസിഡന്റ് ഡി.രാജൻ അധ്യക്ഷത വഹിച്ചു.എൻ.ഒ.ദേവസ്യ, എൻ. ജോതിഷ്കുമാർ, കെ.എ.സുരേന്ദ്രൻ, ബിന്ദു ജോസ്, എ.ഷംസുദ്ദീൻ, കെ.വി.രാജു കൃഷ്ണ എന്നിവർ സംസാരിച്ചു.
