മേപ്പാടി തൊള്ളായിരംകണ്ടിയില്‍ റിസോര്‍ട്ടിന്റെ ഷെഡ്ഡ് തകര്‍ന്ന് വിനോദ സഞ്ചാരിയായ യുവതി മരിച്ച സംഭവത്തില്‍ റിസോര്‍ട്ട് മാനേജറെയും സൂപ്പര്‍വൈസറെയും പോലീസ് അറസ്റ്റ് ചെയ്തു. ഇന്നലെ രാത്രി 8 മണിയോടെയാണ് സ്വച്ഛന്ത്, അനുരാഗ് എന്നിവരെ് മേപ്പാടി പോലീസ് സ്റ്റേഷന്‍ ഹൗസ് ഓഫീസര്‍ എ.യു.ജയപ്രകാശിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. മനപ്പൂര്‍വ്വമല്ലാത്ത നരഹത്യ കുറ്റമാണ് ഇവര്‍ക്കെതിരെ ചുമത്തിയത്. കല്‍പ്പറ്റ കോടതിയില്‍ ഹാജരാക്കിയ ഇരുവരെയും റിമാന്റ് ചെയ്തു. സുരക്ഷാവീഴ്ചയുണ്ടായെന്നു് കണ്ടെത്തിയതിനാല്‍ റിസോര്‍ട്ട് ഇന്നലെ പോലീസ് അടപ്പിച്ചിരുന്നു.
