കൊഴിഞ്ഞങ്ങാട് നേര്‌നാടക വേദി – ഓണ്‍ലൈന്‍ പഠന കേന്ദ്രം കല്‍പ്പറ്റ നിയോജക മണ്ഡലം എം എല്‍ എ സി.കെ.ശശീന്ദ്രന്‍ ഉദ്ഘാടനം ചെയ്തു. നാടകവേദി വൈസ് പ്രസിഡന്റ് സീതാ ബാലന്‍ അദ്ധ്യക്ഷയായിരുന്നു. കമ്പളക്കാട് ജിയുപി സ്‌കൂള്‍ എച്ച് എം ഷേര്‍ളി ടീച്ചര്‍,പി.ടി.എ എക്‌സിക്യുട്ടീവ് അംഗം ഷെമീര്‍, പി.കെ മോഹനന്‍, സെല്‍വ മണി എന്നിവര്‍ ചടങ്ങില്‍ പങ്കെടുത്തു. പഠിതാക്കള്‍ മുഴുവന്‍ ആദിവാസി കുട്ടികളാണ്.കുട്ടികള്‍ക്ക് മാസ്‌ക്കും, സാനിറ്റൈസറും സി.പി.ഐ.എം ബ്രാഞ്ച് കമ്മറ്റി നല്‍കി. എസ്എഫ് ഐ വയനാട് ജില്ലാ കമ്മറ്റി കമ്പളക്കാട് ജിയുപി സ്‌കൂളിന് നല്‍കിയ 32 ഇഞ്ച് എല്‍ഇഡി ടിവി ഷേര്‍ളി ടീച്ചറും പിടിഎയും ആദിവാസി കുട്ടികളുടെ പഠനത്തിനായി നേര് നാടകവേദിക്ക് സമര്‍പ്പിക്കുകയാണ് ചെയ്തത്. ഓണ്‍ലൈന്‍ പഠനത്തിന് അത്യാവശ്യമായ കേരളാവിഷന്‍ സെറ്റോബോക്സും കണക്ഷനും കമ്പളക്കാട് സ്പീഡോണ്‍ കേബിള്‍ നെറ്റ് വര്‍ക്ക് ടീം സൗജന്യമായും നല്‍കി.കമ്പളക്കാട് ജിയുപി സ്‌കൂളിലെ മെന്റര്‍ ടീച്ചര്‍ ലത.പി.എം ആണ് ക്ലാസ് നയിക്കുന്നത് .
