മഹാരാഷ്ട്രയില്‍ നിന്നും മെയ് നാലിന് നാട്ടിലെത്തിയ നെന്മേനി സ്വദേശിനിയായ 47 കാരി,ഇവരുടെ 22 കാരനായ മകന്‍,ദുബായില്‍ നിന്നും മെയ് 28ന് നാട്ടിലെത്തിയ മേപ്പാടി ആനപ്പാറ സ്വദേശിയായ 27 കാരന്‍,കുവൈത്തില്‍ നിന്നും മെയ് 27ന് വയനാട്ടിലെത്തിയ കര്‍ണ്ണാടക മടിക്കേരി സ്വദേശിനിയായ 42 കാരി, കുവൈത്തില്‍ നിന്നും മെയ് 27ന് നാട്ടിലെത്തിയ വൈത്തിരി അച്ചൂരാനം സ്വദേശിയായ 36 കാരി, ബംഗളൂരില്‍ നിന്നും മെയ് 29ന് നാട്ടിലെത്തിയ കല്‍പ്പറ്റ റാട്ടക്കൊല്ലി സ്വദേശിയായ 30കാരന്‍ എന്നിവര്‍ക്കാണ് ഇന്ന് രോഗബാധ സ്ഥിരീകരിച്ചത്. ഇവരെല്ലാവരും നിലവില്‍ ക്വാറന്റയിനില്‍ കഴിഞ്ഞുവന്നവരാണ്.ഇവരെയെല്ലാവരെയും ജില്ലാശുപത്രി കോവിഡ് കെയര്‍ സെന്ററിലേക്ക് മാറ്റിയിട്ടുണ്ട്. ഇതോടെ നിലവില്‍ വയനാട്ടില്‍ കോവിഡ് ബാധിച്ചവരുടെ എണ്ണം 51 ആയി. ഇതില്‍ 26 പേര്‍ രോഗമുക്തി നേടിയിട്ടുണ്ട്.
