കൊവിഡ് പോസറ്റീവ് കേസുകള്‍ സംബന്ധിച്ച വിവരം പുറത്ത് വിടാത്തതില്‍ പ്രതിഷേധിച്ച് യുത്ത് കോണ്‍ഗ്രസ് മാനന്തവാടിയില്‍ നില്‍പ്പ് സമരം നടത്തി.മുന്നറിയിപ്പ് ഇല്ലാതെ സമരം നടത്തിയതിന് മാനന്തവാടി പോലീസ് കേസും എടുത്തു.പാര്‍ക്കില്‍ നടന്ന സമരം യൂത്ത് കോണ്‍ഗ്രസ്സ് നിയോജക മണ്ഡലം പ്രസിഡന്റ് അസീസ് വാളാട് ഉദ്ഘാടനം ചെയ്തു. യൂത്ത് കോണ്‍ഗ്രസ് നേതാക്കളായ പി.ടി. മുത്തലിബ്, മുസ്തഫ എറമ്പയില്‍, ഫൈസല്‍ ആലംപാടി, റോബിന്‍ ഇലവുങ്കല്‍ തുടങ്ങിയവര്‍ സംസാരിച്ചു. പോസിറ്റീവ് കേസുകളുടെ വിവരം യഥാസമയം പുറത്തുവിടുന്നത് ജാഗ്രത പാലിക്കാന്‍ ജനങ്ങളെ സഹായിക്കുമെന്നും നേതാക്കള്‍ പറഞ്ഞു.
