ലോക്ക്ഡൗണ്‍ പ്രഖ്യാപനത്തെ തുടര്‍ന്ന് പ്രതിസന്ധിയിലായ തയ്യല്‍ തൊഴിലാളികള്‍ക്ക് 1000 രൂപ വീതം ധനസഹായം നല്‍കുന്നു. തയ്യല്‍ തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുളളവരും സാമൂഹ്യ സുരക്ഷ/ക്ഷേമ പെന്‍ഷന്‍ ലഭിക്കാത്തവരുമായ തൊഴിലാളികള്‍ക്കാണ് അര്‍ഹത. ആനുകൂല്യം ലഭിക്കുന്നതിനായി www.tailorwelfare.in എന്ന വെബ്‌സൈറ്റ് മുഖേന ആധാര്‍ നമ്പര്‍, ബാങ്ക് അക്കൗണ്ട് വിവരങ്ങള്‍ എന്നിവ സഹിതം ഓണ്‍ലൈനായി അപേക്ഷ സമര്‍പ്പിക്കേണ്ടതും ബാങ്ക് പാസ്ബുക്ക്, ആധാര്‍ കാര്‍ഡ്, ക്ഷേമനിധി പാസ്ബുക്ക്/ തിരിച്ചറിയല്‍ കാര്‍ഡ് എന്നിവയുടെ പകര്‍പ്പ് ജില്ലാ ഓഫീസുകളില്‍ തപാല്‍ മുഖേനയോ ട്രേഡ് യൂണിയന്‍ മുഖേനയോ നേരിട്ടോ ലഭ്യമാക്കുകയും വേണം.
തയ്യല്‍ തൊഴിലാളി ക്ഷേമനിധി ബോര്‍ഡ് തൊഴിലാളികള്‍ക്കായി 53.6 കോടി രൂപയുടെ ധനസഹായമാണ് സംസ്ഥാനത്ത് ചെലവിടുന്നത്. രണ്ടു ഘട്ടങ്ങളിലായി ആകെ 1,04,670 തൊഴിലാളികള്‍ക്കായി ഇതുവരെ 10,46,70,000 രൂപയുടെ ആനുകൂല്യമാണ് ബോര്‍ഡിന്റെ നേതൃത്വത്തില്‍ വിതരണം ചെയ്തത്.
