മാനന്തവാടി:വയനാട് വിഷന്‍ മാനന്തവാടി റിപ്പോര്‍ട്ടര്‍ സുരേഷ് തലപ്പുഴയെ ഫോണില്‍ വിളിച്ച് ഭീഷണിപ്പെടുത്തിയ തലപ്പുഴയിലെ ചിക്കന്‍കടയിലെ ജീവനക്കാരനെതിരെ നടപടിയെടുക്കണമെന്നാവശ്യപ്പെട്ട് കൊണ്ട് മാനന്തവാടി പ്രസ് ക്ലബ്ബ് മാനന്തവാടി ഡിവൈഎസ്പിക്ക് പരാതി നല്‍കി.വെള്ളിയാഴ്ച രാത്രിയാണ് തലപ്പുഴ മാര്‍ക്കറ്റിലെ ഷെബിര്‍ എന്നയാള്‍ ഫോണില്‍ വിളിച്ച് അകാരണമായി അസഭ്യം പറയുകയും കൊന്നു കളയുമെന്ന് ഭീഷണിപ്പെടുത്തുകയും ചെയ്തത്.കോഴിവിലയുമായി ബന്ധപ്പെട്ട വാര്‍ത്തയില്‍ തന്റെ വീഡിയോ ചാനലില്‍ കാണിക്കുന്നുവെന്നാരോപിച്ചായിരുന്നു ഇയാള്‍ സുരേഷിനെ ഭീഷണിപ്പെടുത്തിയത്.എന്നാല്‍ അത്തരത്തിലൊരു വാര്‍ത്തയില്‍ ഇയാളുടെ വീഡിയോ എവിടെയും കാണിച്ചിരുന്നില്ല.പ്രകോപനമില്ലാതെ അസഭ്യം പറയുകയും കൊന്നുകളയുമെന്ന് ഭീഷണിപ്പെടുത്തുകയും ചെയ്ത ഇയാള്‍ക്കെതിരെ കേസെടുത്ത് നടപടിയെടുക്കണമെന്നും സ്വതന്ത്രമായ മാധ്യമപ്രവര്‍ത്തനത്തിന് സൗകര്യമൊരുക്കണമെന്നും ആവശ്യപ്പെട്ടാണ് ഡിവൈഎസ്പി എ.പി.ചന്ദ്രന് പരാതി നല്‍കിയത്.അന്വേഷിച്ച് നടപടികളെടുക്കുമെന്ന് പ്രസ് ക്ലബ്ബ് ഭാരവാഹികള്‍ക്ക് അദ്ദേഹം ഉറപ്പ് നല്‍കി.
