സര്‍ഫാസി നിയമത്തെ ചേറുത്തു തോല്‍പ്പിക്കാന്‍ കര്‍ഷകജനത മുന്നോട്ട് വരണമെന്ന് എന്‍സിപി കര്‍ഷകസംരക്ഷണ സമിതി നേതാക്കള്‍ കല്‍പ്പറ്റയില്‍ വാര്‍ത്താസമ്മേനത്തില്‍ ആവശ്യപ്പെട്ടു. സാമാന്യ നീതിപോലും കര്‍ഷകര്‍ക്ക് നല്‍കാതെ കര്‍ഷകരുടെ ഭൂമി ഏറ്റെടുക്കാനുള്ള ധനകാര്യസ്ഥാപനങ്ങളുടെ നീക്കം ചെറുത്തു തോല്‍പ്പിക്കുമെന്നും നേതാക്കള്‍ പറഞ്ഞു.ഇതിന്റെ ഭാഗമായി കര്‍ഷകസംരക്ഷണ സമിതി ഡിസംബര്‍ 5ന് ജില്ലാ സഹകരണബാങ്ക് ആസ്ഥാനത്ത് ഉപവാസമരം നടത്തുമെന്ന് നേതാക്കള്‍ പറഞ്ഞു.വാര്‍ത്താസമ്മേളനത്തില്‍ കെ കുഞ്ഞികണ്ണന്‍, സിഎന്‍ ശിവരാമന്‍, തെക്കേടത്ത് മുഹമ്മദ്, കെ ക്യഷ്ണന്‍കുട്ടി, മുഹമ്മദ് ആലി കല്‍പ്പറ്റ തുടങ്ങിയവര്‍ പങ്കെടുത്തു.
