ഈ വര്‍ഷത്തെ സന്തോഷ് ട്രോഫി ഫുട്‌ബോള്‍ ടൂര്‍ണമെന്റില്‍ കേരളത്തിന് വേണ്ടി ബൂട്ടണിയാന്‍ മൂന്ന് വയനാട്ടുകാര്‍.2017ലെ അണ്ടര്‍ സെവന്റീന്‍ വേള്‍ഡ് കപ്പ് ഫുട്‌ബോള്‍ ടൂര്‍ണമെന്റില്‍ ഇന്ത്യയെ പ്രതിനിധീകരിച്ച നടവയല്‍ സ്വദേശി അജിന്‍ ടോം,തൃക്കൈപ്പറ്റ നെല്ലാമാളം സ്വദേശി എമില്‍ ബെന്നി ,മീനങ്ങാടി സ്വദേശി അലക്‌സ് സജി എന്നിവരാണ് സന്തോഷ് ട്രോഫി ഫുട്‌ബോള്‍ ടൂര്‍ണമെന്റില്‍ കേരളത്തിന് വേണ്ടി ബൂട്ടണിയുന്ന വയനാട്ടുകാര്‍.ഇതില്‍ അലക്‌സ് സജി രണ്ടാം തവണയാണ് കേരളത്തിന് വേണ്ടി സന്തോഷ് ട്രോഫിയില്‍ കളിക്കുന്നത്.കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ വെച്ച് നവംബര്‍ അഞ്ചിന് ആന്ധ്രാപ്രദേശുമായാണ് ആദ്യ മത്സരം.
