വയനാട് അടക്കം ജില്ലകളില്‍ ഓറഞ്ച് അലര്‍ട്ട്. മണ്ണ് ഇടിച്ചില്‍, ഉരുള്‍പൊട്ടല്‍ സാധ്യതാ മേഖലകളില്‍ ജില്ലാ ഭരണകൂടവും പൊതുജനങ്ങളും ജാഗ്രത പാലിക്കണമെന്ന് ദുരന്ത നിവാരണ അതോറിറ്റി.അറബിക്കടലില്‍ ന്യൂനമര്‍ദ്ദം രൂപം പ്രാപിച്ചതാണ് കനത്ത മഴയ്ക്ക് കാരണമെന്നാണ് കാലാവസ്ഥാ നിരീക്ഷണ കേന്ദ്രം അറിയിക്കുന്നത്.ഒരാഴച്ചയോളം മഴശക്തമായി തുടരാനാണ് സാധ്യത.വയനാട്ടില്‍ ഇന്നലെ ഉച്ചതിരിഞ്ഞതോടെ ഒറ്റപ്പെട്ട കനത്ത മഴ പല ഭാഗങ്ങളിലും ലഭിക്കുന്നുണ്ട്. ഉച്ചതിരിഞ്ഞ് ഇടിയോടുക്കൂടിയ കനത്ത മഴ പല ഭാഗങ്ങളിലും ലഭിക്കുന്നുണ്ട്. ഇന്ന് ഉച്ചതിരിഞ്ഞ് ഇടിയോടുകൂടി കനത്തമഴ പെയ്യുമെന്നാണ് മുന്നറിയിപ്പ്. ഒറ്റെപ്പട്ട കനത്ത മഴ പ്രദേശിക പ്രളയങ്ങള്‍ക്കിടയാക്കുമെന്നും മണ്ണിടിച്ചില്‍ ഉരുള്‍പ്പൊട്ടല്‍ സാധ്യതയുള്ള പ്രദേശങ്ങളില്‍ ജനങ്ങളും ഭരണ കൂടവും ജാഗ്രത പാലിക്കണമെന്നും സംസ്ഥാന അതോറിറ്റി അറിയിച്ചു.
