ദേശീയപാത 766ലെ ഗതാഗത നിരോധനം നീക്കുന്നതിന് കേരളവുമായി ചേര്‍ന്ന് പ്രവര്‍ത്തിക്കുമെന്ന് ഗുണ്ടുല്‍പേട്ട് എം.എല്‍.എ നിരജ്ഞന്‍കുമാര്‍. ഈ വിഷയം കര്‍ണാടക മുഖ്യമന്ത്രിയുമായി ചര്‍ച്ചചെയ്ത് കേന്ദ്രമന്ത്രിസഭയില്‍ പ്രശ്നത്തിന്റെ ഗൗരവം ബോധ്യപ്പെടുത്തുമെന്നും അദ്ദേഹം പറഞ്ഞു. എന്‍.എച്ച് 766 ട്രാന്‍സ്പോര്‍ട്ട് പ്രൊട്ടക്ഷന്‍ ആക്ഷന്‍ കമ്മറ്റി ഭാരവാഹികള്‍ ഗുണ്ടല്‍പേട്ടില്‍വച്ച് നടത്തിയ ചര്‍ച്ചയിലാണ് എം.എല്‍.എ നിരജ്ഞന്‍കുമാര്‍ നിലപാട് വ്യക്തമാക്കിയിത്. ചര്‍ച്ചയില്‍ ആക്ഷന്‍ കമ്മറ്റി ഭാരവാഹികളായ ഐ.സി ബാലകൃഷ്ണന്‍ എം.എല്‍.എ, സുരേഷ് താളൂര്‍, കെ. എല്‍ പൗലോസ്, അഡ്വ അരുണ്‍ തുടങ്ങിയവര്‍ സംബന്ധിച്ചു
