വിദ്യാര്‍ത്ഥികള്‍ക്ക് നിരോധിത പുകയില ഉല്‍പ്പന്നങ്ങള്‍ വില്‍പ്പന നടത്തിയതിന് ഓടപ്പള്ളം കവല കല്ലായില്‍ ഉണ്ണീന്‍കുട്ടി(60)യെയാണ് ബത്തേരി പൊലീസ് അറസ്റ്റ് ചെയ്തത്. വിദ്യാര്‍ത്ഥികള്‍ക്ക് ഹാന്‍സ് വില്‍പ്പന നടത്തുന്നു എന്ന രഹസ്യ വിവരത്തിന്റെ അടിസ്ഥാനത്തിലാണ് ബത്തേരി എസ്ഐ അബ്ദുള്ളയുടെ നേതൃത്വത്തില്‍ ഇന്ന് രാവിലെ 9 മണിയോടെ ഓടപ്പള്ളം കവലയിലെ ഉണ്ണീന്‍കുട്ടിയുടെ കടയില്‍ പരിശോധന നടത്തി നിരോധിത പുകയില ഉല്‍പ്പന്നങ്ങള്‍ കണ്ടെടുത്തത്. കടയില്‍ നിന്നും 49 പാക്കറ്റ് ഹാന്‍സും,20 പാക്കറ്റ് കൂള്‍ ലിപ്സും പിടിച്ചെടുത്തു. ജുവനൈല്‍ ജസ്റ്റിസ് ആക്ട്, കോട്പ എന്നീ വകുപ്പുകള്‍ പ്രകാരം ഇയാള്‍ക്കെതിരെ കേസെടുത്ത് അറസ്റ്റ് രേഖപ്പെടുത്തി. ഇയാളെ പിന്നീട് കോടതിയില്‍ ഹാജരാക്കി. പരിശോധനയില്‍ എസ്ഐയോടൊപ്പം സിപിഒമാരായ പ്രവീണ്‍, സന്തോഷ്, സ്മിജു, ഹരിദാസ് എന്നിവരുമുണ്ടായിരുന്നു.
