ചേരമ്പാടിയില്‍ തേയിലത്തോട്ടത്തില്‍ കാട്ടാനയെ ചെരിഞ്ഞ നിലയില്‍ കണ്ടെത്തി.ചേരമ്പാടിക്ക് സമീപം കോരഞ്ചാലിലാണ് സ്വകാര്യവ്യക്തിയുടെ തേയിലത്തോട്ടത്തില്‍ ഇന്ന് രാവിലെയോടെ കാട്ടുകൊമ്പനെ ചെരിഞ്ഞ നിലയില്‍ നാട്ടുകാര്‍ കണ്ടത്.
വിവരം വനംവകുപ്പിനെ അറിയിക്കുകയായിരുന്നു.ചേരമ്പാടിയില്‍ നിന്നും വനപാലകര്‍ സ്ഥലത്തെത്തി മേല്‍നടപടികള്‍ സ്വീകരിച്ചു.കാട്ടാന ചെരിഞ്ഞത് ഷോക്കേറ്റാണെന്നാണ് പ്രാഥമിക നിഗമനം.ഈ മേഖലയില്‍ കാട്ടാന ശല്ല്യം രൂക്ഷമാണ്.
