കേരളാ കോണ്‍ഗ്രസ് എമ്മിന്റെ ജില്ലാപ്രസിഡണ്ടായാണ് തന്നെ തിരഞ്ഞെടുത്തതെന്നും ചെയര്‍മാന്‍ പിജെ ജോസഫിന്റെ നിര്‍ദേശം സ്വീകരിച്ച് പാര്‍ട്ടിയെ ശക്തിപ്പെടുത്താന്‍ സജീവമായി രംഗത്തിറങ്ങുമെന്നും കുട്ടപ്പന്‍ നെടുമ്പാല. പാര്‍ട്ടി ഭരണഘടനയെ മാനിക്കുന്ന പ്രവര്‍ത്തകര്‍ക്ക് പിജെ ജോസഫിന്റെ നേതൃത്വം അംഗീകരിച്ച് മുന്നോട്ട് പോകാനേ കഴിയൂയെന്നും ജില്ലാ പ്രസിഡണ്ടായി തിരഞ്ഞെടുക്കപ്പെട്ട കുട്ടപ്പന്‍ നെടുമ്പാല വ്യക്തമാക്കി. ജില്ലയില്‍ കേരളാകോണ്‍ഗ്രസ് പാര്‍ട്ടിയെ ഒറ്റക്കെട്ടായി മുന്നോട്ട് നയിക്കാനും ശക്തിപ്പെടുത്താനുമുള്ള ചുമതലയാണ് കമ്മിറ്റി തന്നെ ഏല്‍പ്പിച്ചിരിക്കുന്നത്. ആചുമതല താന്‍ നിര്‍വ്വഹിക്കുമെന്നും കുട്ടപ്പന്‍ നെടുമ്പാല വയനാട് വിഷനോട് പറഞ്ഞു.
