ബത്തേരി: വടക്കനാട് പച്ചാടിയില് കടുവയുടെ ആക്രമണത്തില് പശുവിന് പരുക്കേറ്റു. പച്ചാടി കല്യാടിക്കല് ടോമിയുടെ പശുവിനെയാണ് കടുവ ആക്രമിച്ചത്. ഇന്ന് രാവിലെ 11.30 ഓടെയാണ് സംഭവം. വീടിനു സമീപത്ത് കെട്ടിയിട്ടിരുന്ന പശുവിനെ രണ്ടു കടുവകള് ചേര്ന്നാണ് ആക്രമിച്ചത്. ബഹളം കേട്ട് വീട്ടുകാര് എത്തിയപ്പോള് കടുവകള് സമീപത്തെ വനത്തിലേക്ക് ഓടിമറഞ്ഞു. അടുത്തിടെയായി ഈ ഭാഗങ്ങളില് കടുവ ശല്യം രൂക്ഷമായിട്ടുണ്ട്.
