സി.പി.ഐ(എം) കല്‍പ്പറ്റ നോര്‍ത്ത് ലോക്കല്‍ കമ്മിറ്റി കുടുംബ സംഗമം ജില്ലാ സെക്രട്ടറി പി. ഗഗാറിന്‍ ഉദ്ഘാടനം ചെയ്തു. മുണ്ടേരിയില്‍ നടന്ന കുടുംബ സംഗമത്തില്‍ ആയിരത്തോളം പേര്‍ പങ്കെടുത്തു. വനിതകളുടേയും കുട്ടികളുടേയും വലിയ പങ്കാളിത്തം കുടുംബ സംഗമത്തെ മികവുറ്റതാക്കി. കുടുംബ സംഗമത്തില്‍ വിവിധ കലാപരിപാടികളും നടത്തപ്പെട്ടു. സംഘാടക സമിതി ചെയര്‍പേഴ്‌സണ്‍ പി.ആര്‍. നിര്‍മ്മല അധ്യക്ഷത വഹിച്ചു. ഏരിയ സെക്രട്ടറി എം.മധു, ജില്ലാ കമ്മിറ്റിയംഗം കെ.സുഗതന്‍, ലോക്കല്‍ സെക്രട്ടറി സി.കെ.ശിവരാമന്‍, വി. ഹാരിസ്, പി.എം.ഷംസുദ്ദീന്‍, ടി.ജി. ബീന എന്നിവര്‍ സംസാരിച്ചു.
