കല്‍പ്പറ്റ: കല്‍പ്പറ്റ ബിവറേജിനടുത്തുള്ള കടയില്‍ അനധികൃതമായി മദ്യവില്‍പ്പന നടത്തിയ യുവാവിനെ കല്‍പ്പറ്റ പോലീസ് അറസ്റ്റ് ചെയ്തു. ഇരുളം മൂടക്കൊല്ലി മാവത്ത് നിധിന്‍ (34) ആണ് പിടിയിലായത്. ഗാന്ധിജയന്തി ദിനത്തില്‍ ഉച്ചയോടെയാണ് സംഭവം. 500 മില്ലിയുടെ ഒമ്പത് ബോട്ടില്‍ ഇന്ത്യന്‍ നിര്‍മിത വിദേശ മദ്യം ഇയാളില്‍ നിന്ന് പിടിച്ചെടുത്തു. രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇയാള്‍ വലയിലായത്. പോലീസ് ഇന്‍സ്‌പെക്ടര്‍ എ യു ജയപ്രകാശ്, എസ്‌ഐ അനീഷ് ടി, എസ്സിപിഒ മാരായ ജയേഷ്, ബിനില്‍ രാജ്, രാമു, അജികുമാര്‍ എന്നിവരടങ്ങുന്ന സംഘമാണ് മദ്യം പിടികൂടിയത്. കോടതിയില്‍ ഹാജരാക്കിയ പ്രതിയെ റിമാണ്ട് ചെയ്തു.
