വയനാട്ടില് സാമൂഹികമാധ്യമങ്ങള് വഴി ഫോട്ടോ അയപ്പിച്ചു ഭീഷണിപ്പെടുത്തിയ കേസില് യുവാവ് അറസ്റ്റില്. മോഡലിങ്ങിന് യുവതികളെ ആവശ്യമുണ്ടെന്ന് കാണിച്ച് സാമൂഹികമാധ്യമങ്ങള് വഴി പരസ്യം നല്കി പ്രായപൂര്ത്തിയാവാത്ത കുട്ടിയുടെ ഫോട്ടോ കൈക്കലാക്കുകയും തുടര്ന്ന് ഭീഷണിപ്പെടുത്തുകയും ചെയ്തെന്ന പരാതിയിലാണ് മൂപ്പൈനാട്, റിപ്പണ്, പുല്ലൂര്ക്കുന്ന് കൊല്ലത്തുപറമ്പില് വീട്ടില് ഫൈഷാദിനെ മേപ്പാടി ഇന്സ്പെക്ടര് എസ്.എച്ച്.ഓ ബി.കെ. സിജുവിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
പ്രായപൂര്ത്തിയാവാത്ത കുട്ടിയെ സാമൂഹികമാധ്യമങ്ങളായ ഇന്സ്റ്റാഗ്രാം, വാട്സ്ആപ്പ് വഴി ബന്ധപ്പെട്ട് മോഡലിങ് ലൂടെ പണം സമ്പാദിക്കാമെന്ന് പറഞ്ഞു വിശ്വസിപ്പിച്ച് ഫോട്ടോ അയപ്പിച്ചും പിന്നീട് ബ്ലാക്ക്മെയില് ചെയ്യുകയും ഭീഷണിപ്പെടുത്തുകയും ചെയ്യുകയായിരുന്നു. ഇന്ത്യന് ശിക്ഷാ നിയമം, പോക്സോ, ഐ.ടി ആക്ട് പ്രകാരമാണ് കേസ് രജിസ്റ്റര് ചെയ്തത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.