മീനങ്ങാടി: മീനങ്ങാടി ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ മീനങ്ങാടി – 53 ല്‍ ആരംഭിക്കുന്ന ഡയാലിസിസ് സെന്ററിന് ട്രസ്റ്റ് ചെയര്‍മാന്‍ ഡോ.പി.സി. മൊഹിനുദ്ദീന്‍ തറക്കല്ലിട്ടു. പൊതുസമ്മേളനം ബത്തേരി നിയോജക മണ്ഡലം എം.എല്‍.എ ഐ.സി.ബാലകൃഷ്ണന്‍ ഉദ്ഘാടനം ചെയ്തു. മീനങ്ങാടി ഗ്രാമ പഞ്ചായത്ത് പ്രസിഡണ്ട് ബീനാ വിജയന്‍ അധ്യക്ഷത വഹിച്ചു. പഞ്ചായത്ത് വൈസ് പ്രസിഡണ്ട് സി.അസൈനാര്‍, മുട്ടില്‍ വയനാട് ഓര്‍ഫനേജ് സെക്രട്ടറി എം.എ മുഹമ്മദ് ജമാല്‍, കോഴിക്കോട് കൃപാലയം ഗൈഡന്‍സ് സെന്റര്‍ ഡയറക്ടര്‍ ഫാ. ഷിബു കുറ്റിപറിച്ചേല്‍, മീനങ്ങാടി ജുമാ മസ്ജിദ് ഇമാം മുസ്തഫല്‍ ഫൈസി നീലഗിരി, ി.ആര്‍ സുന്ദര സ്വാമി, ഡാ.മാത്യു തോമസ്, ഇബ്രാഹിം ഫൈസി പേരാല്‍, ടി.കെ. ഇബ്‌നു ബാസ്, കെ.കെ.വിശ്വനാഥന്‍, ടി.എം. ഹൈറുദ്ദീന്‍,വി.എം. വിശ്വനാഥന്‍, സി.കെ.സൈതലവി ഹാജി തുടങ്ങിയവര്‍ സംസാരിച്ചു.
