കടുവ ശല്യത്തിന് പരിഹാരം കാണണമെന്നാവശ്യപ്പെട്ട് പുല്‍പ്പള്ളി പഞ്ചായത്തിന്റെ നേതൃത്വത്തില്‍ സര്‍വകക്ഷി യോഗം ചേര്‍ന്നു.കടുവയെ പിടികൂടാന്‍ ഇന്ന് തന്നെ കൂട് സ്ഥാപിക്കണമെന്നും മേഖലയിലെ രുക്ഷമായ കടുവ ശല്യത്തിന് പരിഹാരം കാണണമെന്നും യോഗം ആവശ്യപ്പെട്ടു. ശാശ്വത പരിഹാരം ഉണ്ടായില്ലെങ്കില്‍ ശക്തമായ പ്രക്ഷോഭത്തിനും തീരുമാനം.പഞ്ചായത്ത് പ്രസിഡണ്ട് ടി.എസ് ദിലീപ് കുമാര്‍ അധ്യക്ഷനായിരുന്നു. വൈസ് പ്രസിഡണ്ട് ശോഭന സുകു, അനില്‍ സി കുമാര്‍, മണി പാമ്പനാല്‍, എന്‍യു ഉലഹന്നാന്‍ ,സജി മാത്യു, ടി.ജെ.ചാക്കോച്ചന്‍, മാത്യു മത്തായി ആതിര, ബാബു പ്രണവം, ബെന്നി കുറുമ്പാലക്കാട്ട് എന്നിവര്‍ സംസാരിച്ചു
