വെള്ളമുണ്ട ഡിവിഷന്‍ പരിധിയിലെ അഞ്ഞൂറോളം ഓട്ടോറിക്ഷ തൊഴിലാളികള്‍ക്ക് സ്‌നേഹോപഹാരവും സൗജന്യ കോഷന്‍ സ്റ്റിക്കറും വിതരണം ചെയ്യുന്ന വെള്ളമുണ്ട ഡിവിഷന്റെ ‘ഹായ് ഓട്ടോ’പദ്ധതി ആരംഭിച്ചു. മൈക്രോടെക് പോളിക്ലിനിക്കുമായി സഹകരിച്ചാണ് പരിപാടി സംഘടിപ്പിക്കുന്നത്. വെള്ളമുണ്ട പബ്ലിക് ലൈബ്രറി ഹാളില്‍ ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ ജുനൈദ് കൈപ്പാണി ഉദ്ഘാടനം ചെയ്തു.പ്രശസ്ത സിനിമ താരം കെ. കെ മൊയ്തീന്‍ കോയ ജാഗ്രത സ്റ്റിക്കര്‍ പ്രകാശനം ചെയ്തു. എം മോഹനകൃഷ്ണന്‍ അധ്യക്ഷനായിരുന്നു. ജില്ലാ ആസൂത്രണ സമിതി ഉപാധ്യക്ഷന്‍ മംഗലശ്ശേരി നാരായണന്‍, മൈക്രോടെക് മാനേജിങ് ഡയറക്ടര്‍ ഷഫീന സി.കെ, നവീന്‍. സി.എ, കെ. കെ ചന്ദ്രശേഖരന്‍,തുടങ്ങിയവര്‍ സംസാരിച്ചു. അറുപതു വയസ്സ് പിന്നിട്ട മുതിര്‍ന്ന ഓട്ടോ ജീവനക്കാരെയും സംസ്ഥാന സര്‍ക്കാരിന്റെ ‘ഒപ്പം’പദ്ധതിയില്‍ സേവനം ചെയ്യുന്ന ഓട്ടോറിക്ഷക്കാരെയും ചടങ്ങില്‍ പ്രത്യേക ഗ്രാമാദരം നല്‍കി അനുമോദിച്ചു.
