പുല്‍പ്പള്ളി ഗ്രാമപഞ്ചായത്തിന്റെയും പുല്‍പ്പള്ളി സാമൂഹികാരോഗ്യ കേന്ദ്രത്തിന്റെയും ആരോഗ്യ കേരളം വയനാടിന്റെയും സംയുക്താഭിമുഖ്യത്തില്‍ പാലിയേറ്റീവ് ദിനാചരണത്തിന്റെ ഭാഗമായി സന്ദേശ റാലി നടത്തി. റാലിയില്‍ സ്റ്റുഡന്റ് പോലീസ് വിദ്യാര്‍ത്ഥികള്‍, സ്‌കൗട്ട് ആന്റഗൈഡ്, എന്‍.എസ്.എസ്, ആശ വര്‍ക്കര്‍മാര്‍, വ്യാപാരികള്‍ തുടങ്ങിയവര്‍ പങ്കെടുത്തു. ഗ്രാമപഞ്ചായത്ത് പ്രസിഡണ്ട് ബിന്ദു പ്രകാശ് റാലി ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡണ്ട് കെ.ജെ.പോള്‍ അധ്യക്ഷത വഹിച്ചു. ഡോ. ലത, ഗ്രാമപഞ്ചായത്ത് അംഗങ്ങളായ സണ്ണി തോമസ്, ശോഭന പ്രസാദ് അനില്‍ മോന്‍ എന്നിവര്‍ സംസാരിച്ചു.
