ഷോറൂമില്‍ സര്‍വീസിന് കൊടുത്ത സ്‌കൂട്ടര്‍ മോഷ്ടിച്ച യുവാവിനെ പിടികൂടി. കോഴിക്കോട്, പന്തീരാങ്കാവ് സ്വദേശി, മേലേപുല്‍പറമ്പ് വീട്ടില്‍ അബ്ദുല്‍ റാസിം(24)നെയാണ് മാനന്തവാടി എസ്.എച്ച്.ഒ അബ്ദുല്‍ കരീമിന്റെ നേതൃത്വത്തില്‍ എസ്.ഐ സോബിനും സംഘവും അറസ്റ്റ് ചെയ്തത്. പായോട് ടി.വി.എസ് ഷോറൂമില്‍ സര്‍വീസിന് കൊടുത്ത മാനന്തവാടി സ്വദേശിയുടെ ടി.വി.എസ് എന്റോര്‍ക്ക് സ്‌കൂട്ടറാണ് പ്രതി മോഷ്ടിച്ചത്. സീനിയര്‍ സിവില്‍ പോലീസ് ഓഫീസര്‍മാരായ സെബാസ്റ്റ്യന്‍, മനീഷ്, സിവില്‍ പോലീസ് ഓഫീസര്‍ അനീഷ് തുടങ്ങിയവരും അന്വേഷണ സംഘത്തിലുണ്ടായിരുന്നു.
