പുല്‍പ്പള്ളി ഭാഗത്ത് എക്സൈസ് നടത്തിയ വാഹന പരിശോധനയില്‍ 250 ഗ്രാം കഞ്ചാവ് ബുള്ളറ്റില്‍ കടത്തിക്കൊണ്ടുപോകവെ രണ്ട് യുവാക്കള്‍ പിടിയില്‍. മലപ്പുറം തിരൂര്‍ സ്വദേശികളായ സുഹൈല്‍, റഷീദ് എന്നിവരെയാണ് ബത്തേരി എക്സൈസ് ഇന്‍സ്പെക്ടര്‍ ഷറഫുദ്ദീന്‍ ടി യും സംഘവും ചേര്‍ന്ന് അറസ്റ്റ് ചെയ്തത്. പ്രതികളെ ബത്തേരി ജെ.എഫ്.സി.എം 11 കോടതിയില്‍ ഹാജരാക്കി. പ്രിവന്റീവ് ഓഫീസര്‍ കെ.ജി ശശികുമാര്‍ സിവില്‍ എക്സൈസ് ഓഫീസര്‍മാരായ ജോഷി തുമ്പാനം, വിനോദ് ബി.ആര്‍, ജ്യോതിസ് മാത്യു, അമല്‍ദേവ് തുടങ്ങിയവരുടെ നേതൃത്വത്തിലായിരുന്നു പരിശോധന.
