ദേശീയപാത പാതിരിപ്പാലത്ത് സ്വകാര്യ വ്യക്തിയുടെ സ്ഥലത്ത് നിന്ന് ശക്തമായ മഴയില്‍ മണ്ണും ചളിയും റോഡിലേക്കൊഴുകിയെത്തി. ചളിയില്‍ അകപ്പെട്ട 4 വാഹനങ്ങള്‍ നിയന്ത്രണം വിട്ട് കൂട്ടിയിടിച്ചു. ഒരു കാര്‍ മറ്റൊരു കാറുമായും, 2 ലോറികളുമാണ് അപകടത്തില്‍പ്പെട്ടത്. ചെങ്കുത്തായ ഇറക്കമായതിനാല്‍ അപകട സാഹചര്യമറിയാതെ വരുന്ന വാഹനങ്ങള്‍ നിയന്ത്രിക്കാന്‍ പോലീസും നാട്ടുകാരും ഇടപെടല്‍ നടത്തുന്നു. യാത്രികര്‍ ശ്രദ്ധിക്കണമെന്നും വേഗത കുറക്കണമെന്നും പോലീസ്. ഫയര്‍ഫോഴ്‌സിന്റെ സഹായത്തോടെ റോഡിലെ ചളി നീക്കം ചെയ്യാനുള്ള നടപടിയും ആരംഭിച്ചിട്ടുണ്ട്. മഴ തുടര്‍ന്നാല്‍ റോഡില്‍ വീണ്ടും മണ്ണും ചളിയും ഒഴുകി എത്തുമെന്നും നാട്ടുകാര്‍ അഭിപ്രായപ്പെട്ടു.
