മണിപ്പൂര്‍ ജനതയ്ക്ക് ഐക്യദാര്‍ഢ്യം പ്രകടിപ്പിച്ച് മാനന്തവാടി പൗരാവലി 13ന് മൂന്ന് മണിക്ക് നടത്തുന്ന മാനിഷാദ മനുഷ്യ ചങ്ങലയുടെ ഒരുക്കങ്ങള്‍ പൂര്‍ത്തിയായതായി സംഘാടകര്‍ വാര്‍ത്താ സമ്മേളനത്തിലറിയിച്ചു.മാനന്തവാടി എരുമത്തെരുവ് മുതല്‍ നാലാംമൈല്‍ വരെയാണ് ചങ്ങല. ചങ്ങലയുടെ പത്ത് കേന്ദ്രങ്ങളില്‍ മത സാമൂഹ്യസാംസ്‌കാരിക രാഷ്ട്രീയ മേഖലകളിലെ പ്രമുഖര്‍ കണ്ണികളാവുമെന്നും ഭാരവാഹികള്‍ അറിയിച്ചു.
4 മണിക്ക് ചങ്ങല പൂര്‍ത്തീകരിക്കും, സമൂഹത്തിലെ പ്രമുഖ വ്യക്തിത്വങ്ങള്‍ പ്രതിജ്ഞ ചൊല്ലി കൊടുക്കും. തിരഞ്ഞെടുക്കപ്പെട്ട 500 വളണ്ടിയര്‍മാര്‍ പരിപാടി നിയന്ത്രിക്കും. ആറ് പഞ്ചായത്തുകളില്‍ നിന്നും നഗരസഭയില്‍ നിന്നുമുള്ള പൊതു ജനങ്ങളാണ് ചങ്ങലയില്‍ അണിചേരുന്നത്.
വാര്‍ത്താ സമ്മേളനത്തില്‍ സംഘാടക സമിതി ചെയര്‍മാന്‍ ജേക്കബ്ബ് സെബാസ്റ്റ്യന്‍, മുനിസിപ്പല്‍ ചെയര്‍പേഴ്‌സണ്‍ സി.കെ രത്‌നവല്ലി, ജനറല്‍ കണ്‍വീനര്‍ കെ ഉസ്മാന്‍, ട്രഷറര്‍ പി.വി എസ് മൂസ്സ, ഫാ. വില്യം രാജന്‍ ,സെബാസ്റ്റ്യന്‍ പാലമ്പറമ്പില്‍,ഫാ ജിമ്മി മൂലയില്‍, ഫാ റോയ്, അബ്ദുല്‍ ജലീല്‍ ഫൈസി, ജമാലുദ്ദീന്‍ സഅദി, എം.വി സുരേന്ദ്രന്‍, വി ഹുസ്സൈന്‍, എ എം നിശാന്ത്, പി.വി മഹേഷ്, അശോകന്‍ കൊയിലേരി, ലേഖാ രാജീവന്‍, ശോഭാ രാജന്‍, മുനീര്‍ പാറക്കടവത്ത്, പി.എം ബെന്നി, ഷിബു ജോര്‍ജ്, ലൈല സജി, ഷീജ മോബി, എന്നിവര്‍ സംബന്ധിച്ചു
