സുല്‍ത്താന്‍ ബത്തേരി പഴയ ബസ് സ്റ്റാന്റില്‍ ഇന്നലെ വൈകിട്ടുണ്ടായ അപകടത്തില്‍ മരിച്ചയാളെ തിരിച്ചറിഞ്ഞു. തമിഴ്‌നാട് ബിദര്‍ക്കാട് സ്വദേശി കുമാരന്‍ (75)ആണ് മരിച്ചത്. ചൊവ്വാഴ്ച വൈകിട്ട് അഞ്ചരയോടെയാണ് അപകടമുണ്ടായത്. കെ.എസ്.ആര്‍.ടി.സി ബസ് പുറകിലേക്ക് എടുക്കുന്നതിനിടെ പിന്‍ചക്രം കുമാരന്റെ ശരീരത്തിലൂടെ കയറി ഇറങ്ങുകയായിരുന്നു. ഉടനെ ആശുപത്രിയിലെത്തിച്ചെങ്കിലും മരണപ്പെട്ടു. സുല്‍ത്താന്‍ ബത്തേരി പൊലിസ് തുടര്‍ നടപടികള്‍ സ്വീകരിച്ചു.
