തോല്‌പെട്ടി നരിക്കല്ലില്‍ വയോധിക മരിച്ച സംഭവം കൊലപാതകമെന്ന് പോലീസ്. ഇന്നലെ മരിച്ച നരിക്കല്ലിലെ പുതിയ പുരയില്‍ പരേതനായ തങ്കരാജുവിന്റെ ഭാര്യ സുമിത്രയുടെ (63) മരണത്തിലാണ് പോലീസ് കേസെടുത്തത്. വീണുകിടക്കുന്ന നിലയില്‍ സുമിതയെ ഇന്നലെ രാവിലെ മകന്‍ ബാബുവാണ് കണ്ടത്. തുടര്‍ന്ന് സുമിത്രയെ മാനന്തവാടി മെഡിക്കല്‍ കോളേജില്‍ എത്തിച്ചെങ്കിലും അപ്പോഴേക്കും രിച്ചിരുന്നു.
അമ്മ തലയടിച്ച് വീണതായാണ് ബാബു ഇന്നലെ പോലീസില്‍ അറിയിച്ചത്. എന്നാല്‍ തലയ്ക്കുള്ള ക്ഷതവും കഴുത്തിനേറ്റ പരിക്കും
പോസ്റ്റ്മോര്‍ട്ടത്തില്‍ അസ്വാഭാവികത തോന്നി. കൂടുതല്‍ അന്വേഷിച്ചപ്പോഴാണ്‌കൊലപാതകമെന്ന നിഗമനത്തില്‍ പോലീസ് എത്തിയത്. സംഭവത്തില്‍ സുമിത്രയുടെ മരുമകനെ പോലീസ് കസ്റ്റഡിയില്‍ എടുത്തതായി സൂചനയുണ്ട്. മാനന്തവാടി ഡി.വൈ.എസ്.പി പി.എല്‍ ഷൈജുവാണ് കേസ് അന്വേഷിക്കുന്നത്.
