പൊഴുതന സേട്ടുകുന്നില്‍ റോഡരികില്‍ നിര്‍ത്തിയിട്ട ലോറിക്ക് നേരെ സാമൂഹ്യവിരുദ്ധരുടെ അതിക്രമം.പ്രദേശവാസിയായ മേലെതൊടി അസൈനാര്‍ ഓടിക്കുന്ന ലോറിയുടെ മുന്‍ഭാഗത്തെ ചില്ലാണ് ഇന്നലെ രാത്രിയില്‍ സാമൂഹ്യവിരുദ്ധര്‍ നശിപ്പിച്ചത്.മീനങ്ങാടിയിലെ ഭാര്യവീട്ടില്‍ ആയിരുന്ന അസൈനാറിനെ ഇന്ന് രാവിലെ രാവിലെയാണ് നാട്ടുകാര്‍ വിവരം അറിയിച്ചത്.തുടര്‍ന്ന് വൈത്തിരി പോലീസില്‍ പരാതി നല്‍കി.ഇരുപത്തയ്യായിരം രൂപ നാശനഷ്ടം ഉണ്ടായതായി അസൈനാര്‍ പറഞ്ഞു. രണ്ടുമാസം മുന്‍പേ ആണ് പുതിയ ലോറി നിരത്തിലിറക്കിയത്. പ്രദേശത്ത് മുന്‍പും സാമൂഹ്യവിരുദ്ധരുടെ ആക്രമണം ഉണ്ടായിട്ടുണ്ടെന്ന് പ്രദേശവാസികള്‍ പറഞ്ഞു. മുന്‍പും പ്രദേശത്ത് ബൈക്ക്, കാര്‍ തുടങ്ങിയ വാഹനങ്ങള്‍ക്ക് നേരെ ഇതുപോലെ അതിക്രമം നടത്തിയിട്ടുണ്ടെന്നും എത്രയും പെട്ടെന്ന് ഇതിന് പരിഹാരം ഉണ്ടാക്കണമെന്നും നാട്ടുകാര്‍ പറഞ്ഞു.
