കേബിള്‍ ടി വി ഓപ്പറേറ്റേഴ്‌സ് അസോസിയേഷന്‍ വയനാട് സബ് ഡിവിഷണല്‍ കേരള വിഷന്‍ ബിസിനസ് കോണ്‍ഫറന്‍സ് കല്‍പ്പറ്റ ഓഷിന്‍ ഓഡിറ്റോറിയത്തില്‍ തുടങ്ങി. സംസ്ഥാന വൈസ് പ്രസിഡണ്ട് എം. മന്‍സൂര്‍ ഉദ്ഘാടനം ചെയ്തു.വയനാട് വിഷന്‍ ചെയര്‍മാന്‍ പി.എം.ഏലിയാസ് അധ്യക്ഷനായി.കെസിസിഎല്‍ ചെയര്‍മാന്‍ കെ.ഗോവിന്ദന്‍ മുഖ്യപ്രഭാഷണം നടത്തി. ഡയറക്ടര്‍മാരായ ലോഹിതാക്ഷന്‍ റിപ്പോര്‍ട്ടവതരണവും എം അബ്ദുള്ള ടെക്‌നിക്കല്‍ ബോധവല്‍ക്കരണവും നടത്തി.വയനാട് വിഷന്‍ ഡയറക്ടര്‍ അഷ്‌റഫ് പൂക്കയില്‍ സ്വാഗതം പറഞ്ഞു. ഉച്ചകഴിഞ്ഞ് നടക്കുന്ന പൊതുസമ്മേളനത്തില്‍ കേബിള്‍ ടി വി ഓപ്പറേറ്റര്‍മാരുടെയും ജീവനക്കാരുടെയും മക്കളില്‍ എസ്എസ്എല്‍സി, പ്ലസ്ടു പരീക്ഷഖളില്‍ മികവ് പുലര്‍ത്തിയവരെ ആദരിക്കും.
