വയനാട് ജില്ലാ പഞ്ചായത്ത് വെള്ളമുണ്ട ഡിവിഷന്റെ നേതൃത്വത്തില് പ്രശസ്ത എഴുത്തുകാരനും വാഗ്മിയുമായിരുന്ന എം പി വീരേന്ദ്രകുമാറിന്റെ മൂന്നാം ചരമവാര്ഷികദിനത്തോടനുബന്ധിച്ച് അനുസ്മരണം സംഘടിപ്പിച്ചു.കട്ടയാട് സി.എച്ച് മുഹമ്മദ് കോയ മെമ്മോറിയല് പബ്ലിക് ലൈബ്രറി ഹാളില് നടന്ന ചടങ്ങ് വയനാട് ജില്ലാ പഞ്ചായത്ത് ക്ഷേമകാര്യ സ്റ്റാന്ഡിങ് കമ്മിറ്റി ചെയര്മാന് ജുനൈദ് കൈപ്പാണി ഉദ്ഘാടനം ചെയ്തു.
സി.എച്ച് ലൈബ്രറി പ്രസിഡന്റ് ഏരി മമ്മൂട്ടി അധ്യക്ഷത വഹിച്ചു.വെള്ളമുണ്ട ഗ്രാമപഞ്ചായത്ത് അംഗം അബ്ദുള്ള കണിയാംകണ്ടി, ബ്ലോക്ക് മെമ്പര്മാരായ പി. കെ അമീന്,വി. ബാലന്, കെ.പി ശശികുമാര്,മിഥുന് മുണ്ടക്കല്,ടി. സി. മമ്മൂട്ടി, റഫീഖ് കുറ്റിപ്രവന്, നിയാസ്. പി, ഹാരിസ്. കെ തുടങ്ങിയവര് സംസാരിച്ചു.
പലര്ക്കും പലതായിരുന്നു എം.പി. വീരേന്ദ്രകുമാര് എന്ന ബഹുമുഖ പ്രതിഭ. ഒരേസമയം രാഷ്ട്രീയനേതാവും എഴുത്തുകാരനും ചിന്തകനും ജനപ്രതിനിധിയുമെല്ലാം ആയപ്പോഴും മനുഷ്യത്വം എന്ന ശരിയില് മാത്രം വിശ്വസിക്കുകയും ജീവിക്കുകയും ചെയ്തു അദ്ദേഹം. തീര്ത്താല് തീരാത്ത നഷ്ടമാണെന്ന് അനുസ്മരണ ചടങ്ങില് പ്രസംഗിച്ചവരെല്ലാം അഭിപ്രായപ്പെട്ടു