രാഹുല്‍ ഗാന്ധിക്ക് ഐക്യദാര്‍ഢ്യവുമായി കോണ്‍ഗ്രസ് പ്രവര്‍ത്തകര്‍ കല്‍പ്പറ്റയില്‍ പ്രകടനം നടത്തി.
കല്‍പ്പറ്റ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തിലാണ് പ്രകടനം നടത്തിയത്.2019ല്‍ മോദിക്കെതിരായി പ്രസംഗിച്ചതിന്റെ പേരില്‍ രാഹുല്‍ ഗാന്ധിക്കെതിരെ കള്ളക്കേസെടുത്ത് ഇന്ത്യന്‍ ജനാധിപത്യം അട്ടിമറിച്ച് ജുഡീഷ്യറിയെ സ്വാധീനിച്ച് രാഹുല്‍ഗാന്ധി എംപിയെ ജയിലില്‍ അടക്കാമെന്ന നരേന്ദ്രമോദിയുടെയും ആര്‍എസ്എസിന്റെയും വ്യാമോഹം നടക്കില്ലെന്ന് നേതാക്കള്‍ പറഞ്ഞു.പ്രതിഷേധ യോഗം കെ.പി.സി.സി മെമ്പര്‍ പിപി ആലി ഉദ്ഘാടനം ചെയ്തു.മണ്ഡലം പ്രസിഡണ്ട് ഗിരീഷ് കല്‍പ്പറ്റ അധ്യക്ഷത വഹിച്ചു. അഡ്വക്കറ്റ് ടി ജെ ഐസക്, പി വിനോദ് കുമാര്‍, ഹര്‍ഷല്‍ കോന്നാടന്‍, കെ.ശശികുമാര്‍, സെബാസ്റ്റ്യന്‍ കല്‍പ്പറ്റ, ഡിന്റോ ജോസ്,പിആര്‍ ബിന്ദു തുടങ്ങിയവര്‍ സംസാരിച്ചു
