സുല്‍ത്താന്‍ബത്തേരി കൈപ്പഞ്ചേരി – മാക്കുറ്റി റോഡിലാണ് അപകട ഭീഷണിയായി ഗര്‍ത്തം രൂപപ്പെട്ടിരിക്കുന്നത്.ഗര്‍ത്തത്തില്‍ വാഹനങ്ങള്‍ അകപ്പെടുന്നതും പതിവായിട്ടുണ്ട്. റോഡിലെ കുഴി അടച്ച അപകട ഭീഷണി ഒഴിവാക്കണമെന്നും ആവശ്യം.സുല്‍ത്താന്‍ബത്തേരിയില്‍ നിന്ന് കൈപ്പഞ്ചേരി വഴി നെന്മേനി പഞ്ചായത്തിലെ മാക്കുറ്റിയില്‍ എത്തിച്ചേരുന്ന റോഡിലാണ് വന്‍ഗര്‍ത്തം രൂപ്പെട്ടിരിക്കുന്നത്. മാക്കുറ്റി പാലത്തിന് സമീപത്തായണ് റോഡിനുകുറുകെ വെള്ളംപോകുന്നതിനായി സ്ഥാപിച്ച ഓവുചാല്‍ ഇരുന്ന് ഗര്‍ത്തം രൂപപ്പെട്ടിരിക്കുന്നത്. രണ്ടടി വ്യാസത്തില്‍ ഒരുമീറ്റര്‍ താഴ്ചയിലാണ് ഗര്‍ത്തം രൂപപ്പെട്ടരിക്കുന്നത്. പാതയോരം കാടുമൂടി കിടക്കുന്നതിനാല്‍ ഗര്‍ത്തം ഇതുവഴി എത്തുന്ന വാഹന ഡ്രൈവര്‍മാരുടെ ശ്രദ്ദയില്‍പെടില്ല. ഇതുകാരണം വാഹനങ്ങല്‍ ഗര്‍ത്തത്തില്‍ അകപ്പെടുന്നതിനും ഇടയാക്കുന്നു. മാസങ്ങള്‍ക്ക് മുമ്പ് രൂപ്പെട്ട് ഈ അപകകുഴി നികത്താന്‍ ബന്ധപ്പെട്ട അധികൃതരുടെ ഭാഗത്തുനിന്നും നടപടിയുണ്ടാകുന്നില്ലന്നാണ് ആരോപണം.
