കല്‍പ്പറ്റ: എയ്ഡ്‌സ് രോഗിയോടുള്ള സമൂഹത്തിന്റെ മനോഭോവം വിലയിരുത്തുന്നതിനുവേണ്ടി സുരക്ഷാ പ്രോജക്ടിലെ ജീവനക്കാരും റെഡ് ക്രോസ് പ്രവര്‍ത്തകരും സംഘടിപ്പിച്ച എയ്ഡ്‌സ് ബോധവല്‍ക്കരണ ക്യാമ്പയിന്റെ ഭാഗമായി നടത്തിയ ഞാനൊരു എയ്ഡ്‌സ് ബാധിതനാണ് എന്നെ ഒന്ന് ആലിംഗനം ചെയ്യാമോ എന്നെഴുതിയ ബോര്‍ഡുമായി ജില്ലാ കളക്ട്രേറ്റിലേക്ക് വരുന്ന ജീവനക്കാരെ അഭിവാദ്യം ചെയ്യ്ത് കാഴ്ചക്കാരില്‍ തികച്ചും വ്യത്യസ്ത അനുഭവമായി. ഇന്ത്യന്‍ റെഡ് ക്രോസ് സൊസൈറ്റിയുടെയും കേരള എയ്ഡ്‌സ് കണ്‍ട്രോള്‍ സൊസൈറ്റിയുടെ സഹകരണത്തോടെയാണ് പരിപാടി നടത്തിയത്. ക്യാമ്പയിന്റെ സമാപനം റെഡ് ക്രോസ് ജില്ലാ പ്രസിഡണ്ട് കൂടിയായ കളക്ടര്‍ എ.ആര്‍. അജയകുമാര്‍ പ്ലേക്കാടേന്തിയ ജിബിനെ ആലിംഗനം ചെയ്ത് ക്യാമ്പയിന്‍ അവസാനിപ്പിച്ചു. ചടങ്ങില്‍ റെഡ് ക്രോസ് ജില്ലാ ചെയര്‍മാനും സുരക്ഷാ പ്രോജക്ട് ഡയറക്ടറുമായ അഡ്വ: ജോര്‍ജ് വാത്തു പറമ്പില്‍, പി.ജലീല്‍, കെ.എസ് തേജസ്, എം.സുമ, അജീഷ് തോമസ്, ലീന ജോളി , ആഷികദാസ്, ലളിത രാജന്‍, തുടങ്ങിയവര്‍ പങ്കെടുത്തു.
