നിക്കാഹിനൊരുങ്ങുന്ന വീട്ടില്‍ മോഷണം 10 പവന്‍ കവര്‍ന്നു

0

കല്‍പ്പറ്റ പോലീസ് സ്റ്റേഷന്‍ പരിധിയിലെ മുട്ടില്‍ മാണ്ടാട് വിവാഹ വീട്ടില്‍ മോഷണം. 10 പവന്‍ ഓളം സ്വര്‍ണാഭരണങ്ങള്‍ നഷ്ടപ്പെട്ടു. മാണ്ടാട് സ്വദേശിനി വലിയ പീടിയേക്കല്‍ പാത്തുമ്മയുടെ വീട്ടിലാണ് മോഷണം നടന്നത്. ഈ മാസം 25ന് നടക്കുന്ന മകളുടെ വിവാഹത്തിന് വീട്ടിലെ കിടപ്പു മുറിയില്‍ സൂക്ഷിച്ചുവച്ച സ്വര്‍ണാഭരണങ്ങളാണ് നഷ്ടമായത്. കിടപ്പുമുറിയിലെ അലമാര തുറന്നു കിടന്നിരുന്നു. 10 സെന്റ് ഓളം വരുന്ന ഭൂമി വില്‍പ്പന നടത്തിയാണ് വിവാഹത്തിന് പത്തു പവനോളം സ്വര്‍ണം വാങ്ങിയത്.ഇന്നലെ രാത്രി ഒന്നരയോടെ വീട്ടിലെ വാതില്‍ കതകിന്റെ ഒച്ച കേട്ടാണ് ആഭരണങ്ങള്‍ നഷ്ടമായ വിവരം വീട്ടുകാര്‍ അറിയുന്നത്. കിടപ്പുമുറിയിലെ അലമാര തുറന്നു കിടന്നിരുന്നു. ജനവാസ കേന്ദ്രമായതിനാല്‍ വീട്ടുകാരുടെ ഒച്ച കേട്ടതോടെ ബന്ധുക്കളും നാട്ടുകാരും ഓടിയെത്തി. തുടര്‍ന്ന് കല്‍പ്പറ്റ പോലീസ് സ്റ്റേഷന്‍ വിവരമറിക്കുകയായിരുന്നു. പ്രദേശം മുഴുവന്‍ പോലീസും പ്രദേശവാസികളും ചേര്‍ന്ന് രാത്രിയില്‍ തിരച്ചില്‍ നടത്തിയെങ്കിലും ആളെ കണ്ടെത്താനായില്ല. ഈ മാസം 25നാണ് പാത്തുമ്മയുടെ മകള്‍ സാജിതയുടെ നിക്കാഹ് ഉറപ്പിച്ചിട്ടുള്ളത്. ഇവര്‍ക്കുണ്ടായിരുന്ന 10 സെന്റ് ഓളം വരുന്ന ഭൂമി വില്‍പ്പന നടത്തിയാണ് വിവാഹത്തിന് പത്തു പവനോളം സ്വര്‍ണം വാങ്ങിയത്. സംഭവ സമയത്ത് പാത്തുമ്മയും മകള്‍ സാജിതയും, മൂത്ത മകളുടെ മകളും മാത്രമാണ് വീട്ടില്‍ ഉണ്ടായിരുന്നത്. മണ്‍കട്ട് കൊണ്ട് കെട്ടിയ വീട്ടിലെ അടുക്കളയുടെ ഭാഗത്തുള്ള ഓട് മാറ്റിയാണ് വീടിനുള്ളില്‍ കയറിയതെന്നാണ് പ്രാഥമിക നിഗമനം. ഡോഗ്, വിരലടയാള വിദഗ്ധരും പരിശോധന നടത്തി. സമീപത്തെ വീടുകളുടെ സിസിടിവി ക്യാമറകള്‍ പരിശോധിക്കുന്നുണ്ടെന്നും പ്രതിയെ പിടികൂടാന്‍ അന്വേഷണം ഊര്‍ജം ആക്കിയതായി കല്‍പ്പറ്റ പോലീസ് അറിയിച്ചു.

Leave A Reply

Your email address will not be published.

error: Content is protected !!
17:41