കേരള ചുമട്ടുതൊഴിലാളി ക്ഷേമബോര്‍ഡ് ജില്ലാ കമ്മിറ്റിയുടെ കീഴില്‍ ജോലിചെയ്തുകൊണ്ടിരിക്കെ മരണപ്പെട്ട കെ.സി.തോമസിന്റെ കുടുംബത്തിന് 50000 രൂപയുടെ ധനസഹായവും ജില്ലയിലെ ഏറ്റവും കൂടുതല്‍ വേതനം നേടിയ സുല്‍ത്താന്‍ ബത്തേരി സബ് ഓഫീസിലെ തൊഴിലാളി എം.രാജേന്ദ്രന് 10000 രൂപ അവാര്‍ഡും ചീഫ് എക്സിക്യൂട്ടീവ് എസ്. ഷൈജ വിതരണം ചെയ്തു. ജില്ലാ കമ്മിറ്റി ഓഫീസില്‍ നടന്ന ചടങ്ങില്‍ ജില്ലാ ലേബര്‍ ഓഫീസര്‍ കെ.സുരേഷ്, ഡെപ്യൂട്ടി ലേബര്‍ ഓഫീസര്‍ വി.എം.വിജയന്‍, ബോര്‍ഡ് അക്കൗണ്ട്സ് ഓഫീസര്‍മാരായ എസ്. മിനി, കെ. ചിത്രലേഖ, കമ്മിറ്റി മെമ്പര്‍മാരായ ഇ. ഹൈദ്രു, വി.കെ. തുളസിദാസ്, കെ. ഉസ്മാന്‍, പ്രസന്നകുമാര്‍, പി. വാസു, പി.കെ. കുഞ്ഞുമൊയ്തീന്‍, വി.ടി. തോമസ്, സി. മൊയ്തീന്‍കുട്ടി, ഇ.കെ. സുരേഷ് എന്നിവര്‍ സംസാരിച്ചു.
