പ്രധാന യൂണിറ്റുകളിലേക്ക് മാത്രമായി സര്‍വീസുകള്‍ വെട്ടിച്ചുരുക്കാനുള്ള കെ.എസ്.ആര്‍.ടി.സി. സി.എം.ഡി. യുടെ നിര്‍ദേശം പെരിക്കല്ലൂരിലെ ഓപറേറ്റിങ് ഡിപോ തുടങ്ങുന്നതിനുള്ള നടപടികള്‍ക്ക് തിരിച്ചടിയാകുന്നു. ബത്തേരിയിലേക്ക് സര്‍വ്വീസുകള്‍ ചുരുക്കുന്നതോടെ കുടിയേറ്റ മേഖലയുടെ വര്‍ഷങ്ങളായുള്ള കെ.എസ്.ആര്‍.ടി.സി. സബ് ഡിപോയെന്ന സ്വപ്നത്തിന് മങ്ങലേല്‍ക്കുകയാണ്. രണ്ടാഴ്ചയ്ക്കിടെ പെരിക്കല്ലൂരിലേക്കുള്ള രണ്ട് സര്‍വ്വീസുകളാണ് നിര്‍ത്തലാക്കിയത്. കൂടുതല്‍ സര്‍വ്വീസുകള്‍ നിര്‍ത്തലാക്കി പെരിക്കല്ലൂരില്‍ സബ് ഡിപോ ഇല്ലാതാക്കാനാണ് ശ്രമമെങ്കില്‍ പ്രധാന യൂണിറ്റുകളിലെത്തി സമരം നടത്തുമെന്നാണ് നാട്ടുകാരുടെ തീരുമാനം.
