മീനങ്ങാടി കൃഷ്ണഗിരിയില്‍ നിയന്ത്രണം വിട്ട പിക്കപ്പ് മറിഞ്ഞ് യാത്രികര്‍ക്ക് നിസാര പരിക്ക്.കല്‍പ്പറ്റ ഭാഗത്തു നിന്നും സുല്‍ത്താന്‍ ബത്തേരി ഭാഗത്തേക്ക് പോവുകയായിരുന്ന പിക്കപ്പ് വാഹനമാണ് അപകടത്തില്‍െപ്പെട്ടത്.കൃഷ്ണഗിരി പാതിരിപ്പാലം ഇറക്കത്തില്‍ റോഡില്‍ നിന്നും തെന്നിമാറിയ വാഹനം നിയന്ത്രണം വിട്ട് മറിയുകയായിരുന്നു. വാഹനമോടിച്ചിരുന്ന കോഴിക്കോട് പെരുമ്മണ്ണ സ്വദേശി ഹാരിസ്, സഹയാത്രികന്‍ നിസാം എന്നിവര്‍ നിസാര പരിക്കുകളോടെ രക്ഷപ്പെട്ടു.ഹൈവേ പോലീസിന്റെയും, മീനങ്ങാടി പോലീസിന്റെയും നേതൃത്വത്തില്‍ വാഹനം ട്രാക്ടര്‍ ഉപയോഗിച്ച് റോഡില്‍ നിന്ന് മാറ്റുകയും ഗതാഗതം പുന:സ്ഥാപിക്കുകയും ചെയ്തു. വാഹനം ഉയര്‍ത്തി വാഹനത്തിലെ കസേര ഉള്‍പ്പെടുന്ന സാധനങ്ങള്‍ മാറ്റുന്നതിനുമായുള്ള നടപടികള്‍ സ്വീകരിച്ചിട്ടുണ്ടെന്ന് മീനങ്ങാടി സ്റ്റേഷന്‍ ഇന്‍സ്‌പെകര്‍ സജീവന്‍ അറിയിച്ചു.
