വിശന്ന് വലഞ്ഞെത്തുന്ന ദീര്‍ഘ ദൂര യാത്രക്കാര്‍ക്കും, വഴിയാത്രക്കാര്‍ക്കും, ദീര്‍ഘദൂര ലോറി യാത്രികര്‍ക്കും ഓള്‍ കേരള ഡ്രൈവര്‍ ഫ്രീകേഴ്‌സ് ഫേസ്ബുക്ക് കൂട്ടായ്മയിലെ അംഗങ്ങള്‍ സൗജന്യ ഉച്ചഭക്ഷണം നല്‍കി.എംവിഐമാരായ ഗോപികൃഷ്ണന്‍, സുനില്‍ എന്നിവര്‍ പരിപാടി ഉദ്ഘാടനം ചെയ്തു.ശനിയും ഞായറും സമ്പൂര്‍ണ്ണ ലോക്ഡൗണ്‍ പ്രഖ്യാപിച്ചതോടെയാണ് കല്‍പ്പറ്റ ബൈപ്പാസില്‍ ഭക്ഷണപ്പൊതി നല്‍കാന്‍ തുടങ്ങിയത്.250ഓളം ഭക്ഷണപ്പൊതിയാണ് നല്‍കിയത്. വരും ദിവസങ്ങളിലും നഗരത്തിലെത്തുന്നവരുടെ കണക്കെടുത്ത് പൊതിച്ചോര്‍ വിതരണം ചെയ്യാനാണ് കൂട്ടായ്മയുടെ തീരുമാനം.
