കല്‍പ്പറ്റ മുനിസിപ്പല്‍ ടൗണ്‍ഹാളിന് സമീപം ഭൂമിക്കടിയില്‍നിന്നും അസ്വാഭാവികമായ നിലയില്‍ പുക ഉയരുകയും ഭൂമിക്ക് ചൂട് അനുഭവപ്പെടുകയും ചെയ്തത് പരിഭ്രാന്തിക്ക് കാരണമായി. ഇന്ന് രാവിലെയാണ് വാടക സ്റ്റോര്‍ പ്രവര്‍ത്തിക്കുന്ന കെട്ടിടത്തിന് സമീപത്ത് നിന്നുമാണ് പുക ഉയരുന്നത് ശ്രദ്ധയില്‍ പെട്ടത്. തുടര്‍ന്ന് സ്ഥലത്ത് ഫയര്‍ഫോഴ്‌സും ജിയോളജി വകുപ്പിലെ ഉദ്യോഗസ്ഥരും സന്ദര്‍ശിച്ചു. ഇത്തരമൊരു പ്രതിഭാസത്തിന് കാരണം എന്താണെന്ന് വ്യക്തമായിട്ടില്ല. ഇഷ്ടിക ചൂളയില്‍ നിന്നും ഉയരുന്ന തരത്തില്‍ മണ്ണ് ചുട്ടുപഴുത്ത മണവും ആശങ്ക വര്‍ധിപ്പിച്ചു.
ഇഷ്ടികകൊണ്ട് നിര്‍മ്മിച്ച മതിലിലും ചൂട് അനുഭവപ്പെട്ടു. തൊട്ടു ചേര്‍ന്ന് ഓവുചാല്‍ ഒഴുകുന്നുണ്ട്. എന്നിട്ടും ഇത്തരത്തില്‍ ഒരു പ്രതിഭാസത്തിന് കാരണം എന്താണെന്ന് മനസ്സിലാക്കാന്‍ കഴിഞ്ഞിട്ടില്ല.
