സുല്‍ത്താന്‍ ബത്തേരി നഗരസഭയിലെ മന്ദംകൊല്ലി വാര്‍ഡില്‍ നടന്ന ഉപതിരഞ്ഞെടുപ്പ് വോട്ടെണ്ണല്‍ പൂര്‍ത്തിയായി. എല്‍.ഡി.എഫ് വിജയം. എല്‍.ഡി.എഫ് പ്രതിനിധിയായി മത്സരിച്ച ഷേര്‍ലി കൃഷ്ണന് വിജയിച്ചു. യു.ഡി.എഫിലെ ബബിതയെ 150 വോട്ടിന്റെ ഭൂരിപക്ഷത്തോടെ പരാജയപ്പെടുത്തിയാണ് ഷേര്‍ലിയുടെ വിജയം. വ്യാഴാഴ്ച്ച ബീനാച്ചി ഗവ. ഹൈസ്‌കൂളിലായിരുന്നു വോട്ടെടുപ്പ്. കനത്ത പോളിംഗ് ആയിരുന്നു ഉണ്ടായിരുന്നത്. 93.2 ശതമാനമായിരുന്നു പോളിംഗ്. എല്‍.ഡി എഫ് സ്ഥാനാര്‍ത്ഥി തൊട്ടടുത്ത യു.ഡി.എഫിലെ ബബിത സുധീറിനെക്കാളും 150 വോട്ടിന്റെ ഭൂരിപക്ഷത്തില്‍ വിജയിച്ചു. ഷേര്‍ളി കൃഷ്ണന് 480 വോട്ട് ലഭിച്ചു.ബബിത സുധീറിന് 330 വോട്ടും ,ബി.ജെ.പി സ്ഥാനാര്‍ത്ഥി സിനി ഷാനക്ക് 81 വോട്ടും ലഭിച്ചു. ബി.ജെ.പി. കഴിഞ്ഞ തിരഞ്ഞെടുപ്പിലും 118 വോട്ടിന്റെ കുറവാണ് ബി.ജെ.പിക്ക് ഉണ്ടായത്. എല്‍.ഡി.എഫ് ടൗണില്‍ ആഹ്‌ളാദ പ്രകടനം നടത്തി.
