ചൈല്‍ഡ്‌ലൈന്‍ വയനാട് കേന്ദ്രം യൂണിസെഫ് എന്നിവയുടെ ആഭിമുഖ്യത്തില്‍ പ്രത്യേക പരിഗണന അര്‍ഹിക്കുന്ന കുട്ടികളുടെ സംഗമം നടത്തി. കളികളും, പാട്ടുകളുമായി അന്‍പതോളം കുട്ടികളും രക്ഷിതാക്കളും സംഗമത്തില്‍ പങ്കെടുത്തു. ഇതിന്റെ ഭാഗമായി പോസ്റ്റര്‍ രചന, ലീഡേഴ്‌സ് അവയെര്‍നസ് പ്രോഗ്രാം, എന്നിവയും സംഘടിപ്പിച്ചു. യൂണിസെഫ് ചൈല്‍ഡ് പ്രൊട്ടക്ഷന്‍ സ്‌പെഷ്യലിസ്റ്റ് ജി. കുമരേശന്‍ പരിപാടി ഉദ്ഘാടനം ചെയ്തു. കുട്ടികള്‍ക്കുള്ള കിറ്റ് ചൈല്‍ഡ്‌ലൈന്‍ സീനിയര്‍ പ്രോഗ്രാം കോ-ഓഡിനേറ്റര്‍ നിരീഷ് ആന്റണി വിതരണം ചെയ്തു. ചൈല്‍ഡ്‌ലൈന്‍ ഡയറക്ടര്‍ സി.കെ. ദിനേശന്‍, കോ-ഓഡിനേറ്റര്‍ മജേഷ് രാമന്‍, സിവില്‍ പോലീസ് ഓഫീസര്‍ ജാസിം ഫൈസല്‍, കൗസിലര്‍ ബീന എം.എം. എന്നിവര്‍ സംസാരിച്ചു. ട്രെയ്‌നര്‍ രാജേഷ് വടുവഞ്ചാല്‍, ചൈല്‍ഡ്‌ലൈന്‍ ടീം മെമ്പര്‍മാര്‍ എന്നിവര്‍ പരിപാടികള്‍ക്ക് നേതൃത്വം നല്‍കി.
